40 vikur og 3 dagar!

Nú er haustið held ég alveg komið. Við Kári fórum út áðan og það var rigning og rosalega blautt. Það var nú samt rosalega skemmtilegt að sulla í pollunum. Í staðinn fyrir að bíða eftir litla gaurnum er ég að spá í að njóta þess bara að geta farið út að leika með Kára og sofa lengi á morgnanna. Yndislegu vinir okkar eru svo alltaf að bjóða okkur í mat svo það er voða ljúft og notalegt. Fórum í æðislega pizzuveislu til Ástu, Ámunda og Elsu Bjargar á föstudaginn, í gær fórum við svo í þrítugsafmæli til Sigga og í kvöld förum við í heimsókn til minnsta prinsins á kjammanum, Daníels Freys(fædda amk) og Beggu, Helga og Birtu Júlíu.
Ég var að gera pönnsur sem bíða eftir að skvísan mín komi heim úr fimleikunum.
Annars höfum við það bara gott og allt rólegt :o)

Ég er farin að hallast að því að bumbubúinn komi bara 13.10. þar sem systkini hans eru 31.10. og 13.01 ;o) Væri amk í stíl :oD

40 vikur!

Jæja nú byrjar biðin mikla :o)
Ég var nú að hugsa um að klára þetta í dag bara, en enn er ekkert að gerast. Kannski ætti ég að fara og hoppa á trampólíninu.

4 dagar í settan dag!

Jæja enn er litli gaurinn í bumbunni og kemur svo sem ekki á óvart. Ætli ég fari ekki bara viku framyfir eins og með systkinin :o)
Okkur líður bara rosalega vel. Ég get ekkert kvartað, sef á nóttunni, vaknaði kl. hálf 11 í morgun, fór í partý í gær og var bara frekar lengi, sama og engir bak- eða grindarverkir, svo að ég ætti bara að njóta þess að hafa það gott hérna heima. Samt frekar erfitt þegar maður er svona spenntur að sjá nýja fjölskyldumeðliminn! En hann kemur bara þegar hann kemur.

13 dagar í settan dag!

Nú fer að styttast í að við fáum að sjá litla strákinn okkar og að Kári verði stóri bróðir og Þórdís enn stærri systir. Það er allt að verða tilbúið svo hann má alveg fara að láta sjá sig. Vona að ég eigi inni smá þar sem ég gekk viku framyfir með hin. ;o) Ég fékk nú samt tíma 1.október, daginn fyrir settan dag og ljósan mín sagðist örugglega myndu sjá mig þá. Ég vona samt ekki. Annars líður okkur bumba bara vel.
Þórdís er byrjuð í körfubolta og það er víst alveg geggjað! Heldur áfram að æfa sig á sellóið, reyndar finnst okkur foreldrunum ekki alveg nóg um það. Svo er hún náttúrulega í fimleikunum líka svo það er nóg að gera.
Þau eru að læra margföldunartöflurnar um þessar mundir í skólanum og við reynum að hjálpa. Finnst ekki svo langt síðan ég var sjálf að reyna að læra þær svo það er skrítið að litla 8 ára stelpan mín sé að því núna :o)

Í vetrarfríinu fer Þórdís svo til Íslands og ég er búin að kaupa ferð og meira að segja búin að kaupa ferð fyrir okkur um jólin. Förum til Íslands 26.des, eins og síðast, og heim aftur 11.janúar :o)

23 dagar eftir í settan dag og vonandi verður það ekki mikið lengra!

Kannski kominn tími á smá fréttir. Það er svo sem ekki mikið að frétta. Þórdís er byrjuð að læra á selló og byrjuð í framhaldshópi í fimleikunum. Svo förum við alltaf reglulega með tærnar hennar í skoðun. Það gengur ágætlega, en hún er samt á sýklalyfjum núna út af einhverju sári sem leit ekki vel út. Kári fer alltaf í leikskólann kl. 8 og er til 4. Á föstudögum fer svo allur krakkaskarinn í skógarferð sem er toppurinn á tilverunni hjá 3ja ára strák! Hann gisti hjá vini sínum um daginn og Þórdís hjá vinkonu og við Júlli fórum út að borða og í bíó. Fórum á Masala house sem er einn af uppáhaldsstöðunum okkar hérna í Lundi. Svo fórum við á framhaldsmyndirna Arn, sænsk ævintýramynd. Mjög skemmtilegt og gott að komast svona út bara við tvö :o)
Engar nýjar fréttir af bumbubúanum. Hann hefur það bara gott, en mamman kannski að verða þreyttari, enda bara 23 dagar í settan dag. Ég er farin að vakna mjög oft á nóttunni og er því mjög þreytt á daginn. Verkefnið gengur ekki svo vel og held ég engin leið að klára það fyrir fæðingu. Var svo sem ekkert að stressa mig á því. Í dag ætlum við Júlli svo að skoða fæðingarganginn til að við vitum hvað við eigum að gera og hvert við eigum að fara þegar að stóru stundinni kemur.
Flest er að verða klárt fyrir krílið. Búin að þvo litlu fötin, sængina og vagninn löngu kominn. Eigum bara eftir að ákveða hvar litla krílið á að sofa svona fyrst, en svo ætlar Rakel Júlíana að lána okkur rimlarúmið sitt. Svo á eftir að finna bílstól, en það hlýtur að reddast.
Það er enn þá voða gott veður hjá okkur, 18-20°C og reyndar ekki mikil sól. Kannski aðeins farið að vera haustlegra.
Svíar eru búnir að leyfa óléttum konum að borða sushi! Var sko ekki lengi að nýta mér það :o)

Í gær fórum við fjölskyldan og tíndum bláber hérna nálægt. Því miður misstum við af jarðarberjatímabilinu sem virðist hafa hætt fyrr en venjulega þetta árið. Svo fengum við okkur ís.
Fórum í göngutúr sem endaði eins og oft á fimmunni þar sem var sundlaugarpartý og Kári skellti sér bara út í berassaður. Við fórum svo heim og ég bakaði pönnsur og Júlli gerði kakó og svo settum við nýtíndu bláberin og rjóma á pönnsurnar.. namm.
Í dag fórum svo svo í skemmtilegt afmæli til Elsu Bjargar sem verður 2ja ára aðeins seinna í mánuðinum. Sumarafmælin eru oftast haldin úti hérna og það var alveg frábært þar sem hitasýstemið í mér er eitthvað í rugli ;o)
Á morgun er svo hið ógurlega sykurþolspróf sem bumbustelpur eru látar fara í hérna í Svíþjóð(kannski er það líka byrjar á Íslandi). Þá á ég að mæta kl. 8 í fyrramálið og verð að fasta frá kl. 24 í kvöld og þarf að drekka einhvern ógeðisdrykk og má ekki fá mér morgunmat fyrr en eftir kl. 10. Svo eru teknar blóðprufur til að sjá hvort ég er í áhættu að fá meðgöngusykursýki. Þetta á eftir að verða erfitt, því maður er stundum dáldið svangur þegar maður er að fæða tvo! En pínu spennandi, því þrátt fyrir að hafa gengið með 2 börn hef ég aldrei prófað svona :o)

Í dag eru 2 vikur þangað til við förum til Íslands. Við erum farin að hlakka voða mikið til. Mikið búið að plana, amk allar helgar næstum alveg bókaðar.
Júlli fór á Hróarskeldu með Lundarvinum síðustu helgi og skemmti sér rosa vel. Við hin gerðum líka margt skemmtilegt. Fórum á ströndina, bíó, út að borða og ýmislegt fleira. Það er búið að vera svo gott veður en í dag er víst spáð þrumuveðri.
Ég er að reyna að halda áfram með verkefnið, allar mælingar búnar og núna er bara sjálfsagi og enn meiri sjálfsagi :o|
Langar samt mest til að lúlla lengi og leika mér ;o)